Lirik Lagu Buku Ende HKBP I Nyanyian Buku Ende I Ende Pujipujian Dohot Panombaon Tu Debata
Ende Puji-pujian no. 1 – 17
Buku Ende No. 1 Ringgas Ma Ho Tondingku ( BL.223 )
1. Ringgas ma ho tondingku Mamuji Debatanta i
Ai diparmudumudu Ho unang halupahon i
Disesa do dosamu Didaoni sahitmi
Diudut do hosamu Diburi tondimi
Huhut diapulapul Roham na marsak i
Asa tung lam humibul Mingot uhumNa i
Ai diparmudumudu Ho unang halupahon i
Disesa do dosamu Didaoni sahitmi
Diudut do hosamu Diburi tondimi
Huhut diapulapul Roham na marsak i
Asa tung lam humibul Mingot uhumNa i
2. Na tolhas do tu hita UhumNa na sumurung i
Dibaen holong rohaNa Di angka na porsea i
Ai ndada dilaluhon Tu hita rimas i
Sai lam dipatuduhon DengganbasaNa i
Ai songon hasundutan Dao sian purba i
Holang dibaen Ibana Sude dosanta i
Ai ndada dilaluhon Tu hita rimas i
Sai lam dipatuduhon DengganbasaNa i
Ai songon hasundutan Dao sian purba i
Holang dibaen Ibana Sude dosanta i
3. Asi roha ni ama marnida anakkonna i
Suman tusi Jahowa Marnida na porsea i
Diboto do mulanta Na sian tano i
Tudoshon bungabunga Tudoshon bulung i
Disi ro habahaba Mamintor habang be
Suman tusi do jolma, Sai mate do sude
Diboto do mulanta Na sian tano i
Tudoshon bungabunga Tudoshon bulung i
Disi ro habahaba Mamintor habang be
Suman tusi do jolma, Sai mate do sude
4. Tung asi ni rohaNa sambing do na manongtong i
Saleleng ni lelengna di tonga huriaNa i
Di Surgo habangsaNa hinaliangan ni
Sude parhaladoNa na sun badia i
Na sai tongtong mamuji pasangap Tuhan i
Ho pe tondingku puji tongtong goarNa i
Di Surgo habangsaNa hinaliangan ni
Sude parhaladoNa na sun badia i
Na sai tongtong mamuji pasangap Tuhan i
Ho pe tondingku puji tongtong goarNa i
Buku Ende No. 2 Naeng Pujionhu Ho Jahowa ( BL. 113 )
1. Naeng pujionku Ho Jahowa
Ai Ho do Debata na tutu i
Sai suru Tondi Parbadia
Tu au asa hupuji goarMi
Marhitehite Jesus AnakMi
Asa lomo rohaM di endengki
Ai Ho do Debata na tutu i
Sai suru Tondi Parbadia
Tu au asa hupuji goarMi
Marhitehite Jesus AnakMi
Asa lomo rohaM di endengki
2. Togihon ma au tu AnakMu
Asa tu Ho ditogu au muse
TondiM pasaorhon tu tondingku
Manogu au di dalan na ture
Asa tongtong gok dame rohangki
Huhut girgir mamuji goarMi
TondiM pasaorhon tu tondingku
Manogu au di dalan na ture
Asa tongtong gok dame rohangki
Huhut girgir mamuji goarMi
3. Asi rohaM ale Jahowa
Pamalo au mamuji goarMi
Sai unang asal puas hata
Ingkon tutu dipuji rohangki
Ho Ama, Anak dohot Tondi i
Doshon na jongjong au di joloMi
Sai unang asal puas hata
Ingkon tutu dipuji rohangki
Ho Ama, Anak dohot Tondi i
Doshon na jongjong au di joloMi
Buku Ende No.3 Puji Jahowa Ale Tondingku ( BL. 137 )
1. Puji Jahowa ale tondingku
Puji Ibana Debatami
Tagan so suda dope bohalhu
Naeng pujionku basaNa i
Sitompa daging tondi pe
Ingkon dipuji sasude
Haleluya, Haleluya
Puji Ibana Debatami
Tagan so suda dope bohalhu
Naeng pujionku basaNa i
Sitompa daging tondi pe
Ingkon dipuji sasude
Haleluya, Haleluya
2. Tubu ni jolma do nang na sangap
Jala na mulak tu tano i
Tahitahina pe laho do monjap
Molo dibondut tanoman i
Ndang jolma hasonanganki
Debata do haposanki
Haleluya, Haleluya
Tahitahina pe laho do monjap
Molo dibondut tanoman i
Ndang jolma hasonanganki
Debata do haposanki
Haleluya, Haleluya
3. Martua halak na niondingan
Ni Debatanta Jahowa i
Angka na hot marhaporseaon
Di Jesus Kristus Tuhanta i
Molo Debata donganmu
Ndang adong hurang tuamu
Haleluya, Haleluya
Angka na hot marhaporseaon
Di Jesus Kristus Tuhanta i
Molo Debata donganmu
Ndang adong hurang tuamu
Haleluya, Haleluya
Buku Ende No. 4 Sai Puji Debata ( BL. 148 )
1. Sai puji Debata Dibaen asi rohaNa
Huhut tongtong basa Di nasa tinompaNa
Ria ma hita be Mamuji Debata
Ai sesa do nuaeng Dosanta i dibaen
Huhut tongtong basa Di nasa tinompaNa
Ria ma hita be Mamuji Debata
Ai sesa do nuaeng Dosanta i dibaen
2. Disuru Debata AnakNa Jesus Kristus
Jadi mansai arga do hita on ditobus
Diporsan Jesus i Dosanta sasude
Asa mudarNa i Paias hita be
Diporsan Jesus i Dosanta sasude
Asa mudarNa i Paias hita be
3. Dibahen i tama Pujion ni rohanta
Tuhanta Debata Nang Jesus pe AnakNa
Nang pangondian i Naung ro tu hita on
Manggonti Jesus i Pujion do tongtong
Nang pangondian i Naung ro tu hita on
Manggonti Jesus i Pujion do tongtong
Buku Ende No. 5 Sai Tapuji Ma Jahowa ( BL. 83 )
1. Sai tapuji ma Jahowa Debatanta na tutu
Tapatimbul ma Amanta na bonar huhut burju
Binsan hosangki disi pujionku Tuhanki
Tapatimbul ma Amanta na bonar huhut burju
Binsan hosangki disi pujionku Tuhanki
2. Ndang haposan ni rohanta dongan na di tano on
Ai jotjot do mubauba tahi ni rohaninon
Dung i molo mate i pesan ma tahina i
Dung i molo mate i pesan ma tahina i
3. Sai martua manang ise siasahon Debata
Ai dison pe dohot muse dipasonang Debata
Ala ni haposi ma holan Tuhan Debata
Ala ni haposi ma holan Tuhan Debata
4. Ai Ibana do sitompa langit dohot tano on
Rodi isi ni sudena sasude portibi on
Debata haposan i ai tongtong rohaNa i
Debata haposan i ai tongtong rohaNa i
5. Ai Ibana pasintongkon Uhum tu na pogos i
Hangoluan ditumpakkon Tu na haleonon i
Nang na hona hilang pe Dipalua do sude
Nang na hona hilang pe Dipalua do sude
6. Sai Ibana patonggorhon Mata na mapitung i
Pangapulon pe dihorhon Di parroha na tungki
Sai diparhamaol tutu Nasa jolma na burju
Sai diparhamaol tutu Nasa jolma na burju
7. Sai Ibana mangondingi Na mabalu i sude
Sai Ibana mangurupi Na tading di lampin pe
Sogot uhumonNa be Na tois roha i sude
Sogot uhumonNa be Na tois roha i sude
8. Debatanta do rajanta salelenglelengna i
Ala ni las ma rohanta hita na porsea i
Taendehon Debata rap mandok Haleluya
Taendehon Debata rap mandok Haleluya
Buku Ende No. 6 Puji Jahowa Na Sangap ( BL. 56 )
1. Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude
Hamu sude manisia
Hamu sude na parroha na ringgas na ria
Marpungu be, marolopolop sude
Hamu sude manisia
2. Puji Jahowa Sigomgom sude parluhutan
Na manogihon ho songon niiring ni tangan
Dohot hosam songon hombar tu roham
Sai diramoti Ibana
Dohot hosam songon hombar tu roham
Sai diramoti Ibana
3. Puji Jahowa naung tipak manompa dagingmu
Jala na tongtong manumpak hisar pamatangmu
Jotjot do ro pangurupiNa tu ho
Uju na ro hagogotan
Jotjot do ro pangurupiNa tu ho
Uju na ro hagogotan
4. Puji Jahowa situmpak sude ulaonmu
Ai ditumpakhon tu ho tongtong hangoluanmu
Ingot ma i, denggan basaNa do i
TomutomuNa sambing do
Ingot ma i, denggan basaNa do i
TomutomuNa sambing do
5. Puji Jahowa tondingku pasangap goarNa
Dohot sude na marhosa mamuji Ibana
I do ture baenon ni hita sude
Sai taendehon ma amen
I do ture baenon ni hita sude
Sai taendehon ma amen
Buku Ende No. 7 Puji Hamu Ma Asi Ni Roha Ni Tuhan Jahowa ( BL. 43 )
1. Puji hamu ma asi ni roha ni
Tuhan Jahowa di halak Kristen i
Ai naung diontang sude jolma
Tu hangoluan na so ra suda
Tuhan Jahowa di halak Kristen i
Ai naung diontang sude jolma
Tu hangoluan na so ra suda
2. Tuhan Jahowa panggomgom di sude
Nasa parhosa manomba Raja i
Marloksaloksa suruanNa
Mamujimuji tongtong goarNa
Marloksaloksa suruanNa
Mamujimuji tongtong goarNa
3. Hamu parbegu unang ma tundal be
Tu Tuhan Jesus ro ma hamu sude
Ai naung ditongos do hataNa
Dosa sudena naeng sesaonNa
Ai naung ditongos do hataNa
Dosa sudena naeng sesaonNa
4. Dohot do bohal dilehon Debata
Ndang marna hurang tuk songon na tama
Udan pe dohot las ni ari
Nasa parguna do dipasari
Udan pe dohot las ni ari
Nasa parguna do dipasari
5. I pe sai puji dengganbasaNa i
Asa lam ganda hasangaponNa i
Tongtong do hita ramotanNa
On pe tapuji dengganbasaNa
Tongtong do hita ramotanNa
On pe tapuji dengganbasaNa
Buku Ende No. 8 Jahowa, Jahowa ( BL. 197 )
1. Jahowa, Jahowa, Jahowa Di goarMu ma hasangapon i Amen, Amen
Pujionnami do tongtong GoarMi di joroMon
Sai naeng dohononku Badia, badia do goarMu Haleuya, Haleluya
Pujionnami do tongtong GoarMi di joroMon
Sai naeng dohononku Badia, badia do goarMu Haleuya, Haleluya
2. O Jesus, O Jesus, O Jesus GoarMi do Dipuji hami on Amen, Amen
Ho do disuru Ama i Na marholong roha i
Asa saut malua ma hami sian saluhut jea Pinuji Ho, Pinuji Ho
Asa saut malua ma hami sian saluhut jea Pinuji Ho, Pinuji Ho
3. O Tondi, O Tondi, O Tondi Parbadia Pinuji dohot Ho Amen, Amen
Na sintong nang na tiur pe Nang na denggan sasude
Ho do manuanhon Tu roha ni sude hajolmaon Haleluya, Haleluya
Ho do manuanhon Tu roha ni sude hajolmaon Haleluya, Haleluya
Buku Ende No. 9 Hupuji Holong Ni Rohamu ( BL. 110 )
1. Hupuji holong ni rohaMu
O Tuhan Jesus Rajangki
Tu Ho hulehon ma tondingku
Ai i do pinangidoMi
Huhalupahon ma diringku
Mamingkir holong ni rohaMu
O Tuhan Jesus Rajangki
Tu Ho hulehon ma tondingku
Ai i do pinangidoMi
Huhalupahon ma diringku
Mamingkir holong ni rohaMu
2. Sai dilului Ho do ahu
Au pe huhalungunhon Ho
Ditaiti rohaMi rohangku
Dibahen i hulehon do
Dipillit Ho hian tondingku
I pe hutodo Ho Tuhanku
Ditaiti rohaMi rohangku
Dibahen i hulehon do
Dipillit Ho hian tondingku
I pe hutodo Ho Tuhanku
3. Huhilala ingkon martuhan
Ingkon mangolu au di Ho
Ndang jumpang au be hangoluan
Aut unang dipatupa Ho
Sai Ho do paradiananhu
Sai gok di Ho nama langkangku
Ndang jumpang au be hangoluan
Aut unang dipatupa Ho
Sai Ho do paradiananhu
Sai gok di Ho nama langkangku
4. Di Ho saleleng ni lelengna
Au on, o Jesus Tuhanki
Ho ma nampuna sasudena
Gogongku rodi artangki
Ai naung dilehon Ho mudarMu
Manggarar utang ni dosangku
Ho ma nampuna sasudena
Gogongku rodi artangki
Ai naung dilehon Ho mudarMu
Manggarar utang ni dosangku
5. Ai nunga tung diparhatoban
Sibolis dohot dosa au
Tuani ma Ho ro o Tuhan
Mamorsan uhum na tu au
Ditaoni Ho do hamatean
Mambaen di ahu hangoluan
Tuani ma Ho ro o Tuhan
Mamorsan uhum na tu au
Ditaoni Ho do hamatean
Mambaen di ahu hangoluan
6. O Jesus uhir ma goarMu
Torang bagas tu rohangkon
Asa tarsurat di jolongku
Holong ni rohaMi tongtong
Hatangku rodi parangengku
Ingkon dipuji do goarMu
Asa tarsurat di jolongku
Holong ni rohaMi tongtong
Hatangku rodi parangengku
Ingkon dipuji do goarMu
Buku Ende No. 10 Hupuji Hu Pasangap Ho ( BL. 128 )
1. Hupuji hupasangap Ho Amang pardenggan basa
Ai jadijadianMu do sude angka na masa
Ditompa Ho do sasude Dagingku rodi tondi pe
Pinuji ma goarMu
Ai jadijadianMu do sude angka na masa
Ditompa Ho do sasude Dagingku rodi tondi pe
Pinuji ma goarMu
2. Saluhut na tinompaMi Naeng sonang di rohaMu
Arian dohot borngin pe Disarihon rohaMu
Nang uhum di gomgomanMi Na tigor na sintong do i
Pinuji ma goarMu
Nang uhum di gomgomanMi Na tigor na sintong do i
Pinuji ma goarMu
3. Ndang dung tartading bangsoMi Naung pinillitMu jolo
Sai Ho do haporusan ni Sude na ro na olo
Ditogu Ho do sasude Asa tu hangoluan be
Pinuji ma goarMu
Ditogu Ho do sasude Asa tu hangoluan be
Pinuji ma goarMu
4. Tongtong pasangaponku Ho Saleleng au mangolu
Paratarataonku do Barita ni goarMu
Pamatang dohot tondingki Ingkon mamuji sangapMi
Pinuji ma goarMu
Pamatang dohot tondingki Ingkon mamuji sangapMi
Pinuji ma goarMu
5. Antong ro ma hamu sude Saluhut na porsea
Marolopolop hita be Mamuji Debatanta
Na sun denggan do sasude Binaen ni Debatanta i
Pinuji ma goarNa
Na sun denggan do sasude Binaen ni Debatanta i
Pinuji ma goarNa
Buku Ende No. 11 Aha Ma Endehononhu ( BL. 185 )
1. Aha ma endehonongku, asa pujionku Ho
Ale Tuhan Debatangku, sai urupi au gogo
Ai ndang tarpajojor ahu, asi ni rohaM di ahu
Ala ni hupuji Ho tung marribu hali do
Ale Tuhan Debatangku, sai urupi au gogo
Ai ndang tarpajojor ahu, asi ni rohaM di ahu
Ala ni hupuji Ho tung marribu hali do
2. Sai sungguli ma rohangku mangendehon gogoMi
Dohot asi ni rohaMu, rodi habasaronMi
Ai i do dihatindangkon tondi dohot pamatanghu
Ala ni hupuji Ho tung marribu hali do
Ai i do dihatindangkon tondi dohot pamatanghu
Ala ni hupuji Ho tung marribu hali do
3. Ia godang ni dosangku dipingkiri rohangki
Longang situtu rohangku, manimbangi lambas ni
RohaMi ale Tuhanku, mida pangalaosingku
Ala ni hupuji Ho tung marribu hali do
RohaMi ale Tuhanku, mida pangalaosingku
Ala ni hupuji Ho tung marribu hali do
4. Haholongon, habasaron Hata hangoluan i
Dohot angka haporsuhon, i do parhiteanMi
Manogihon au anakMu, masuk tu harajaonMu
Ala ni hupuji Ho tung marribu hali do
Manogihon au anakMu, masuk tu harajaonMu
Ala ni hupuji Ho tung marribu hali do
5. Sai patogu ma rohangku Pasangaphon goarMi
Dohot haporseaonhu, asa tu gandana i
Sai pamasuk ale Tuhan, tondingki tu hangoluan
Mangendehon sangapMi salelenglelengna i
Sai pamasuk ale Tuhan, tondingki tu hangoluan
Mangendehon sangapMi salelenglelengna i
Buku Ende No. 12 Dipuji Rohangkon Do Ho BL. 15 )
1. Dipuji rohangkon do Ho Jahowa, Tuhanki
Huhut hubaritahon do Sude pambaenanMi
2. Huboto Ho do mual ni Na denggan sasude
Dilehon Ho do sian i Godang di hami be
3. Ai aha ma adong hian di hami na lea?
Sude dilehon Ho nian O Tuhan Debata
4. Ai Ho do na margogo i Sitompa sasude
Ho do na pangoluhon i Nang marmuduhon pe
5. Di langit ni langitan i na hembang songon haen
Marriburibu bintang i Tung ise do mambaen?
6. Tung ise do na basa i Manatap hita be
Na pabornokkon hauma i Parngolu di sude?
7. Gok eme angka sopo i Tung ise do mala
Nang sasude bohalta i Nda Tuhan Debata?
8. I ma tutu, O Debata Dilehon Ho sude
Ai Ho do na tongtong basa Manumpak jolma i
9. Dipinsang Ho pe hami on Dibahen dosa i
Sai dipalambas Ho tongtong Roham na denggan i
10. Ai molo marsak rohangki Dibahen dosa i
Mura do mulak rohaMi Manesa salangki
11. Diapul Ho do sasude Na marsak roha i
Diduduk Ho iluna i Tu parningotanMi
12. Sai disarihon Ho sude Di hasiangan on
Tu daging nang tu tondi pe Panongos Ho tongtong
13. Antong boasa ma tungki Ho ale tondingki?
Haposi ma Debatami Sitompa sasude
14. Ndang dung marsala Debata Tu ginomgomNa i
Ai manang dia pe dibaen Denggan ujungna i
15. Antong pasombu Debatam Mambaen ture langkam
Asa tongtong sonang roham Timbul dohot tuam
Buku Ende No. 13 Nda Tama Endehononhu ( BL. 213 )
1. Nda tama endehononku Goar ni Debatangki?
Nda tama halashononku Denggan ni basaNa i?
Ai sun holong ni rohaNa Mida au pardosa on
Diramoti do tongtong NaposoNa Saluhutna
Holong ni rohaNa i Nda tung hasuhatan i
2.Songon pidong rajauali Manjagai anakna i
Songon i do dipabali Debatangku jea i
Sian au niramotanNa Olat ni na tubu au
Sai diiringiring au Masuk tu harajaonNa
Holong ni rohaNa i Nda tung hasuhatan i
Songon i do dipabali Debatangku jea i
Sian au niramotanNa Olat ni na tubu au
Sai diiringiring au Masuk tu harajaonNa
Holong ni rohaNa i Nda tung hasuhatan i
3. Nang AnakNa sasadasa Diseahon Debata
Pangoluhon au pardosa Uju i di Golgata
Mago au dibaen dosangku Jadi ro AnakNa i
Manggarari utanghi Lao mambaen haluaonku
Holong ni rohaNa i Nda tung hasuhatan i
Pangoluhon au pardosa Uju i di Golgata
Mago au dibaen dosangku Jadi ro AnakNa i
Manggarari utanghi Lao mambaen haluaonku
Holong ni rohaNa i Nda tung hasuhatan i
4. Dohot Tondi Parbadia Do disuru Amangki
Asa dohot au badia Jala tau tu Surgo i
Naeng gohanNa do rohangku asa sai tongtong torang
Sai gok dame nang sonang mandalani dalananku
Holong ni rohaNa i Nda tung hasuhatan i
Asa dohot au badia Jala tau tu Surgo i
Naeng gohanNa do rohangku asa sai tongtong torang
Sai gok dame nang sonang mandalani dalananku
Holong ni rohaNa i Nda tung hasuhatan i
5. Dohot haporseaonku Dilopokkon Tuhanki
Tu bagasan ni rohangku patiurhon dalanki
Asa sahat musengani Au tu hangoluan i
Na rade di Surgo i Di sude na manjalahi
Holong ni rohaNa i Nda tung hasuhatan i
Tu bagasan ni rohangku patiurhon dalanki
Asa sahat musengani Au tu hangoluan i
Na rade di Surgo i Di sude na manjalahi
Holong ni rohaNa i Nda tung hasuhatan i
6. Songon i do panarihon Ni Debatangki di au
Tuhanki do sumarihon nasa na ringkot di au
Tondi dohot pamatangku Dipangolu Tuhanki
Na marasi roha i Diramoti do hosangku
Holong ni rohaNa i Nda tung hasuhatan i
Tuhanki do sumarihon nasa na ringkot di au
Tondi dohot pamatangku Dipangolu Tuhanki
Na marasi roha i Diramoti do hosangku
Holong ni rohaNa i Nda tung hasuhatan i
7. Molo masa pangunjunan Dipasonggop setan i
Debata do pangondingan di au on anakNa i
Ai didokkon Debatangku SurusuruanNa i
Manamparhon jea i asa dao hamagoanku
Holong ni rohaNa i Nda tung hasuhatan i
Debata do pangondingan di au on anakNa i
Ai didokkon Debatangku SurusuruanNa i
Manamparhon jea i asa dao hamagoanku
Holong ni rohaNa i Nda tung hasuhatan i
8. Ganup ari do disesa Debatangku dosangki
Ndang hea gotos rohaNa maniopi rimas i
Nang pe ingkon pinsangonNa Au dibahen dosangki
Ndang maposihu disi Uhum na nidabuhonNa
Holong ni rohaNa i Nda tung hasuhatan i
Ndang hea gotos rohaNa maniopi rimas i
Nang pe ingkon pinsangonNa Au dibahen dosangki
Ndang maposihu disi Uhum na nidabuhonNa
Holong ni rohaNa i Nda tung hasuhatan i
9. Ala na so hasuhatan Holong ni rohaM Amang
Tatap ma au on pasidung asa sangkap i rohaM
Di naposoMon Tuhanku Pargogoi ma au tongtong
Mangoloi di tano on Nasa na pinatikkonMu
Paima Ho pujionki Salelenglelengna i
Tatap ma au on pasidung asa sangkap i rohaM
Di naposoMon Tuhanku Pargogoi ma au tongtong
Mangoloi di tano on Nasa na pinatikkonMu
Paima Ho pujionki Salelenglelengna i
Buku Ende No. 14 Puji Hamu Jahowa Tutu ( BL. 57 )
1. Puji hamu Jahowa tutu
Pardengganbasa, parasiroha salelengna i
Pardengganbasa i, parasiroha i
Pardengganbasa, parasiroha salelengna i
Pardengganbasa i, parasiroha i
2. Ingot tongtong ale tondingkon
Sude na denggan na dipasonggop Debata tu ho
Denggan basaNa do na pangoluhon ho
Denggan basaNa do na pangoluhon ho
3. Nda tung adong pargogo tongon
Na martudosan tu Tuhan Debata di Surgo i
Sun hinagogo i, sun hinagogo i
Sun hinagogo i, sun hinagogo i
4. Songkal tongtong, Jahowa tongon
Na marmulia di sasude na tinompaNa i
Hamuliaon ma di Tuhan Debata
Hamuliaon ma di Tuhan Debata
5. Somba hamu Jahowa burju
Marhapantunon ma hita di Tuhanta Debata
Burju tasomba ma Tuhanta Debata
Burju tasomba ma Tuhanta Debata
6. Sai burju be marende sude
Mamujimuji Tuhanta Debata Jahowa i
Parasiroha i, na marmulia i
Parasiroha i, na marmulia i
Buku Ende No. 15 Aut Na Saribu Hali Ganda ( BL. 103 )
1. Aut na saribu hali ganda saringar ni soarangki
Naeng nasa gogo bahenonhu mamuji Debatanta i
Paboa las ni rohangki hinorhon ni pambaenNa i
Naeng nasa gogo bahenonhu mamuji Debatanta i
Paboa las ni rohangki hinorhon ni pambaenNa i
2. Tung sura sahat soarangku tu ujung ni portibi on
Naeng nasa jolma haraonhu mamuji Debata tongtong
Tama do nasa hosangki hubaen pasangap Tuhan i
Tama do nasa hosangki hubaen pasangap Tuhan i
3. Unang ma modom ho tondingku, sai ngot ma ho sai hehe ma
Radot ma ho di ulaonmu sai puji Tuhan Debata
Sai pangke nasa malomi mamujimuji Tuhan i
Sai pangke nasa malomi mamujimuji Tuhan i
4. Mauliate ma rohangku di Ho O Debata tongtong
Dibaen sude denggan basaMu naung nilehonMu di au on
Ai dipatongon Ho tongtong sude na ringkot di au on
Ai dipatongon Ho tongtong sude na ringkot di au on
5. Hupuji dohot Ho O Jesus Marningot asi ni rohaM
Marningot mudarMi na durus Rodi sude dengganbasaM
Patupa haluaon i di au pardosa godang i
Patupa haluaon i di au pardosa godang i
6. Ho pe O Tondi Parbadia Dipuji endeendengkon
Margogo jala marmulia Do Ho mangapul rohangkon
Molo hubaen na denggan i Hinorhon ni gogoM do i
Molo hubaen na denggan i Hinorhon ni gogoM do i
7. Ai ise do mamasumasu Au on O Debata nda Ho?
Pamatangkon rodi tondingku Sai diparmudumudu Ho
Huhut lambas do rohaMi Manatap pardosaonki
Huhut lambas do rohaMi Manatap pardosaonki
8. Sai pujionku do basaM Saleleng na mangolu au
Pasangaponku do goarMu Saleleng na marhosa au
Maradu tos pe hosangki, naeng pujionku sangapMi
Maradu tos pe hosangki, naeng pujionku sangapMi
9. Sai jalo ma ale Tuhanku Pamujingkon na hurang i
Di Surgo pe padengganonku Dung sahat au di lambungMi
Marloksaloksa hali do Disi endehononku Ho
Marloksaloksa hali do Disi endehononku Ho
Buku Ende No. 16 Tapuji Ma Tuhanta ( BL. 12 )
1. Tapuji ma Tuhanta Sian sandok rohanta
Dibaen dengganbasaNa Di hita huriaNa
Dibaen dengganbasaNa Di hita huriaNa
2. Dilehon do di hita Pamatang nang tondinta
Diudut do hosanta Dijaga nang ngolunta
Diudut do hosanta Dijaga nang ngolunta
3. Disuru Debatanta Do Jesus i AnakNa
Mamboan hatuaon Di nasa hajolmaon
Mamboan hatuaon Di nasa hajolmaon
4. Naung sesa do dosanta mangolu do tondinta
Godang nuaeng jambarta Di Surgo jaloonta
Godang nuaeng jambarta Di Surgo jaloonta
5. I pe hupuji hami BasaM i Tuhannami
Ho na marasiroha Di nasa manisia
Ho na marasiroha Di nasa manisia
6. Sai pargogoi ma hami Paringgas rohanami
Mamuji Ho Jahowa Saleleng ni lelengna
Mamuji Ho Jahowa Saleleng ni lelengna
Buku Ende No. 17 Raja Na Tumimbul ( BL. 210 )
1. Raja na tumimbul Sigomgomi hami Jalo ma pujiannami
Denggan ni basaM do Pangoluhon hami Atik pe mardosa hami
Sai apoi pargogoi hami mangendehon SangapMi o Tuhan
Denggan ni basaM do Pangoluhon hami Atik pe mardosa hami
Sai apoi pargogoi hami mangendehon SangapMi o Tuhan
2. Sai dipuji langit JadijadianMu Saluhut pambahenanMu
Parsinondang bolon Na marpamongguri Ho o Tuhan do dipuji
Bulan i Bintang pe Ho do pinujina Dohot sinondangna
Parsinondang bolon Na marpamongguri Ho o Tuhan do dipuji
Bulan i Bintang pe Ho do pinujina Dohot sinondangna
3. Dohot do tondingku Tungkap di adopan Ni habangsaMi o Tuhan
Nang sude donganku Nasa na marhosa Pujionna do Jahowa
Sai tongtong Na sintong Holan Debatanta Do sipujionta
Nang sude donganku Nasa na marhosa Pujionna do Jahowa
Sai tongtong Na sintong Holan Debatanta Do sipujionta
4. Nasa na tumanda Tuhan Jesus Kristus Sai endehon ma goarNa
Nasa na porsea Sai ringgas patulus Na sinangkap ni Tuhanta
Sai tongtong Ingot on Tongtong pujionta Sogot Debatanta
Nasa na porsea Sai ringgas patulus Na sinangkap ni Tuhanta
Sai tongtong Ingot on Tongtong pujionta Sogot Debatanta
Daftar Isi : Ende Puji-pujian no. 1 – 17
1. Buku Ende No. 1 Ringgas Ma Ho Tondingku ( BL.223 )
2. Buku Ende No. 2 Naeng Pujionhu Ho Jahowa ( BL. 113 )
3. Buku Ende No.3 Puji Jahowa Ale Tondingku ( BL. 137 )
4. Buku Ende No. 4 Sai Puji Debata ( BL. 148 )
1. Buku Ende No. 1 Ringgas Ma Ho Tondingku ( BL.223 )
2. Buku Ende No. 2 Naeng Pujionhu Ho Jahowa ( BL. 113 )
3. Buku Ende No.3 Puji Jahowa Ale Tondingku ( BL. 137 )
4. Buku Ende No. 4 Sai Puji Debata ( BL. 148 )
Disusun Oleh : Riris Naomi
Descripsi : Riris Naomi
Promotor : @gurning6bersaudara
Didukung Oleh : kumpulanlirik.com